بعد الكثير من الشكوك حول شراء جوجل لخدمة تويتش، أعلنت أمازون اليوم انها بتشتري خدمة تويتش بمبلغ 970 مليون دولار. كشفوا اليوم أمازون وتويتش عن مستقبل تويتش وكيف بيكون.
الأخبار السعيدة في الموضوع، ومثل ما يسوون أمازون في أغلب الشركات اللي يشترونها، ان تويتش بيستمر مثل ما هو بدون أي تدخل من أمازون. يقول المدير التنفيذي لتويتش: “الشي الرهيب اللي بأقولكم اياه بخصوص شراء أمازون لنا ان تويتش بيستمر مثل ما هو، لكن الفرق الوحيد اننا نقدر نسوي الأشياء اللي نبغاها بشكل أسرع من قبل”.
أما بالنسبة لأمازون، فيقول نائب رئيس الشركة: “لو تلاحظ تويتش والمجتمع الكبير اللي قدروا يسوونه خلال هالفترة، بتلاحظ انه عمل استثنائي”.
وش رأيك بصفقة شراء أمازون لتويتش؟
