أحمد قربان
لعبة تاورفول اسنيشن (TowerFall Ascension) راح تنزل لها اضافة بعنوان دارك ورلد (Dark World) يوم 12 من شهر مايو الحالي وراح تكون الاضافة على اجهزة البلايستيشن 4، والبي سي. قيمة الاضافة هي 9.99 دولار مايعادل 38 ريال تقريبا.
الاضافة راح تضيف تحسينات للعبة بحيث انها راح تضيف اسلحة جديدة مثل سلاح اسمه Trigger Arrows وهو يطلق رصاص فيه ميزة انه يصير مثل الالغام المتفجرة.
ايضا الاضافة راح تحتوي على على مهمات تسمح لك انك تلعب مع 4 من اصحابك وهذا الشيء يعتبر تطور للعبة الاصلية اللي كانت تسمح لك انك تلعب مع شخص واحد فقط في بعض المهمات.
قال مات ثورسون (Matt Thorson) مطور اللعبة: “راح تقدر تصحي اصحابك من الموت، راح تقدرون تلعبون في مراحل داخل اضافة دارك ورلد، وكل مجموعة من المراحل تنتهي بقتال مع احد الزعماء، اللاعبين اللي يحبون التحدي يقدرون يلعبون نفس المهمات لحالهم بدون مساعدة اصحابهم”،
قال ايضا مات: “لما جلسنا لتطوير التحديث ما كنا متوقعين اننا راح نسوي تحديث بهذا الحجم، كنا راح نسوي مجموعة واحدة من المراحل و نضيف صياد واحد، لكن الفكرة تطورت الى 4 مجموعات من المراحل، و اضفنا 10 صيادين، اضفنا طور تعاوني جديد، قتالات مع زعماء ، تطويرات جديدة للاسلحة، واشياء كثير غيرها، النتيجة كانت ان الاضافة ساعدت في تطوير لعبة تاورفول من جميع النواحي بطرق مفاجئة و فعالة، اي شيء حبيته في لعبة تاورفول اسينشن احنا نبغا نعطيك جرعة اضافية منه”
الاضافة راح تنزل على البلايستيشن فيتا ايضا لكن مانعرف متى بالضبط، مات قال راح يكشف تفاصيل الاضافة على الفيتا قريبا.
الاضافة راح تنزل لاجهزة منطقة امريكا، اما الدول الاوروبية راح تنزل لها الاضافة بعد كم يوم على كلام المطور.
واضح ان الاضافة راح تعطي عمق اكبر للعبة وراح تجذب محبين اللعبة بشكل اكبر.
أيمن اليغشي
