موقع جيم انفورمر (Game Informer) حصل على اول معلومات صدرت للعبة رايز اوف ذا تومب رايدر (Rise of the Tomb Raider).
اللعبة راح يكون فيها على الاقل موقعين رئيسيين مخلتفين من العالم. وكل مكان له بيئة خاصة فيه وراح تكون هذي البيئة عدو رئيسي في اللعبة. في الجزء الاخير كان في شخصية اسمها جوناه (Jonah) هذي الشخصية راح تكون بالجزء الجديد مع لارا كروفت (Lara Croft) طبعا.
نظام المناخ في اللعبة راح يأثر على البشر والحيوانات باللعبة. بالنسبة لاوقات اليوم اللعبة ماأكدت اذا كان راح يكون الوقت يتغير من نهار لليل لكن ستديو كريستال دايناميكس (Crystal Dynamics) وضح ان الحيوانات راح يتغير تصرفها على حسب الوقت في اليوم.
هذي المرة ستديو كريستال دايناميكس يبغا يضيف الغاز ارهب من الالغاز المعتادة. راح يكون موجود باللعبة الغاز متداخلة مثل الاجزاء القديمة لسلسلة تومب رايدر. وايضا راح يكون موجود الغاز فيها اكثر من مرحلة في لغز واحد. الاستديو يبغا يكامل تحديات القتال مع المناقز في خلال الالغاز. وطبعا راح يحسبوا حساب اعدادات الواقعية في هذي الخلطة بحيث تكون منطقية.
بالنسبة للقتال، الاستديو متوجه لاسلوب التخطيط للقتال قبل الاشتباك في القتال. لكن الاستديو وضح ان الهدف مو انك تتجسس و تعدي كل الاعداء بدون ماتقاتلهم. راح يكون عندك الادوات انك تشتتهم او تستدرجهم للمكان اللي تبغاه، وراح تقدر تضيع الاعداء وتتخبا منهم بعد ماتقاتلهم. حسب موقع جيم انفورمر، قالوا ان نظام القتال ذكرهم بلعبة ذا لاست اوف از (The Last of Us). راح يكون في انواع اسلحة مختلفة لكل فئة من الاسلحة (يعني رشاشات مختلفة و مسدسات مخلتفة وهكذا). راح يكون فيه تنوع في الاسهم وكل سهم له مميزات مختلفة، وراح يكون بامكانك استخدام الملابس والاعشاب لتطهير الجروح.
معلومات الشاشة راح تكون اكبر مرتين او ثلاثة من اللعبة الاصلية، و لارا راح تقدر تتسلق الاشجار، تتخبا في الاعشاب و تسبح.
رايز اوف ذا تومب رايدر تحت التطوير لاجهزة الاكس بوكس ون و الاكس بوكس 360 ليتم اطلاقها في الاجازة القادمة كاتفاق حصري مؤقت لاجهزة الاكس بوكس. نسخة الاكس بوكس ون ستديو كريستال دايناميكس بيطوروها، و ستديو نيكسكسيز (Nexxes) الاستديو الي طور نسخة البلايستيشن 4 المحسنة من الجزء الاصلي من تومب رايدر، راح يطور الجزء الجديد لاجهزة الاكس بوكس 360.
اش رايكم متحمسين للعبة؟
