محمد الشريف
تأجيل لعبة ذا ويتشر 3 كان من أهم الأخبار اللي صارت في الفترة الأخيرة. ذكر المطوّر أسباب تأجيل اللعبة، ولكن يبدو ان كلامه ذاك ما كان يكفي، واليوم بيشرح أكثر وأكثر.
أولاً، مطوّر اللعبة CD Projekt وضّح ان اللعبة جاهزة من ناحية المحتوى (مثل القصة والمهمات وطريقة اللعب وغيره)، ولكن سبب التأجيل هو تصليح الأخطاء التقنية اللي في اللعبة، بالاضافة الى تضبيط اللعبة من نواحي معيّنة.
يقول واحد من المطوّرين: “حنا نشتغل على تصليح الأخطاء التقنية في اللعبة، ولا زلنا نشتغل برضه على تضبيط اللعبة في بعض النواحي. هذا الشغل بينتج عنه تجربة أفضل وأكثر سلاسة. وايه، اللعبة شكلها كل ماله يصير أفضل على كل الأجهزة”.
” المحتوى واضح وعارفينه، لذلك ما راح نسوي أي تغييرات على المحتوى. حجم العالم في لعبة ذا ويتشر 3 ماله مثيل، فلا تشيل هم، راح تلعب اللعبة لأسابيع كثيرة”.
لعبة ذا ويتشر 3 من أكثر الألعاب اللي ينتظرونها اللاعبين في السنة الجايه، ويبدو ان المطوّر واعي وعارف الشي هذا، لذلك قرر انه يكون صريح أكثر ويأجل اللعبة، بدال ما يطلقها وهي ماهي جاهزة.
وش رأيكم في كلام المطوّر؟
بارعة
احمد خالد