محمد الشريف
أعلن مطوّر لعبة The Witcher 3: The Wild Hunt عن نيته لاطلاق اضافتين كبيرة (أو توسعة ان صح التعبير) للعبة في المستقبل، مجموع لعب الاضافتين هذي ممكن يتجاوز ثلاثين ساعة.
التوسعة الأولى بيكون اسمها Hearts of Stone والثانية اسمها Blood and Wine. بالنسبة لاضافة هارتس اوف ستون، بتكون أقصر شوي من الثانية وبتاخذ حوالي عشر ساعات لعب. بتكون قصة الاضافة بين جيرالت بطل اللعبة مع شخصية (أو كائن) غريب بيكون اسمه Man of Glass.
أما بالنسبة للاضافة الثانية، بلود آند واين، فراح تكون أكبر من هارتس اوف ستون. بتكون في منطقة جديدة كليا على اللعبة، يقول المطور ان هالمنطقة “مسالمة وفي نفس الوقت تخفي سر غريب”. يقول المطوّر:
” مع قرب انتهاء التطوير على اللعبة، بدأ الفريق يشتغل على محتوى كبير في عالم ذا ويتشر. حنا نذكر الأيام اللي كانت فيها الاضافة تحمل محتوى فعلي وحقيقي وكانت تضيف اضافة ضخمة على محتوى الألعاب، وناوين نعيد هذي الأيام. قلنا في السابق اننا اذا كنا بننزل اضافات مدفوعة، فراح نخليها تحتوي على محتوى ضخم من حيث المساحة وانها تكون تسوى المبلغ اللي بتدفعه فيها. اضافاتنا اللي نشتغل عليها بيكون فيها محتوى أكبر من بعض الألعاب بمحتواها الرئيسي”.
اضافة هارتس أوف ستون بتنزل في شهر اكتوبر من هذ السنة، بينما اضافة بلود آند واين فما راح نشوفها الا في الربع الأول من عام 2016 كموعد تقريبي.
أعلن المطور عن Season Pass (مبلغ تدفعه وتحصل على كامل الاضافات المستقبلية للعبة معينة) واللي بيكون سعره 24.99 دولار، هارتس اوف ستون بيكون سعره 9.99 دولار بينما بلود اند واين بيكون سعرها 19.99 دولار. بامكانك تشتري اللعبة مع السيزن باس حقها، وبيكون السعر 79.99 دولار.
وش رأيكم بالاضافات؟
بارعة
أيمن اليغشي
