أخبار

الموسم الثاني من The Walking Dead قادم لبلاي ستيشن فيتا الأسبوع الجاي

thewalkingdeadcoverphoto

أعلنت سوني قبل شوي عن وصول الموسم الثاني من اللعبة المشهورة ذا ووكينج ديد (The Walking Dead)، وبتنزل الأسبوع الجاي! هذي المرة أسرع بكثير من الموسم اللي راح، واللي أخذ وقت طويل مرة (حوالي سنة كاملة) الين ما وصلت للفيتا.

اذا ما كنت متابع الموسم الثاني للعبة، فهو نزل منه الى الآن حلقتين فقط. الحلقتين هذي كلها بتنزل مرة وحدة على الفيتا في تاريخ 23 ابريل.

مبسوط جداً مع الخبر، توقعت انهم بينتهون من الموسم الثاني على الأجهزة اللي يشتغلون عليها حالياً بعدين يسوون نسخة الفيتا، لكنهم قرروا ينزلونها في هذا الوقت المفاجئ.

هل تتوقع انك بتلعب الموسم الثاني على الفيتا؟ ولا بتكتفي بالنسخة الموجودة اللي عندك؟

المصدر

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق