في أي لعبة تلعبها، غالباً تلاحظ الفرق بين العروض واللعب، بحيث تشوف شكل اللعبة في العرض خرافي، بينما اذا انتقلت اللعبة من العرض الى اللعب الفعلي، تلاحظ ان مظهر اللعبة هبط وصار أقل من العروض. لعبة ذي اوردر 1886 (The Order: 1886) راح تقدّم لك اللعبة بحيث ما راح تقدر تفرّق بين العروض واللعب، وبتحاول تسوّي هذا الشي اكثر من معظم باقي الالعاب.
الشركة المصممة للعبة ريدي ات داون (Ready At Dawn) ناوية انها تجعل اللاعب مايقدر يفرق من أول لمحة للصورة اذا كانت الصورة لمقطع سنمائي او طريقة لعب، و وضحوا ايضا ان اللعبة راح تحتوي على مقاطع سنمائية كثيرة و كثير من هذي المقاطع تفاعلية وراح تطلب من اللاعب انه يشارك في نفس المقطع، تقدر تقول QTE أو Quick Time Event.
قال رو المخرج الابداعي لًلعبة: “احنا اخذنا المخاطرة وحاولنا نسوي شي مختلف. لكن الحقيقة ان هذا الشي هو مجرد جزء من اللعبة، و هو واحد من الاشياء الكبيرة اللي نبغى نضبطها في اللعبة. سوينا هذي السلاسة العالية في اللعبة اللي راح تخليك تسأل نفسك اذا كان الشي اللي بتشوفه هو مقطع سنمائي أو لعب.”
الشي اللي سووه باللعبة كان مخاطرة كبيرة على كلام رو وقال ان اللعبة راح تكون تحت محاكمة قوية من قبل اللاعبين والنقاد عند نزولها، لكنه وضح ان تجربة شيئ جديد تستحق المجازفة.
قال رو: “احنا راح ننزل اللعبة ونشوف ردة فعل اللاعبين، لكن من ناحيتنا بما ان اللعبة راح تكون للجيل الجديد فقط فمن المهم اننا نسوي شي مخلتف و مانعطي اللاعبين الشي اللي كانوا متوقعينه فقط. احنا ما نبغا اللاعب يقول: ’اوه هذي اللعبة فيها نفس الشي الموجود في الكل الالعاب الموجودة للان’ و أيضا مانبغا نقدم لكم لعبة فيها اعادة لقتل الوحوش فقط. احنا نبغا نقدم شي مختلف.”
اللعبة راح تنزل يوم 20 من شهر فبراير الحالي حصريا لجهاز البلايستيشن 4.
اذا كنت مرة متحمس للعبة ذي اوردر: 1886 وتبا تشوف صورتها كل يوم قبل نزولها تقدر تنزل ثيم خاص لها لجهاز البلايستيشن 4 وشرحنا كيف تحصل عليه مجانا. و كتبنا ايضا خبر غريب عن الكؤوس اللي راح تكون موجودة باللعبة وكيف ان اللعبة احتمال مايكون فيها اي كأس برونزي.
اش رايكم بالخبر وهل انتو متحمسين جداً للّعبة مثلي؟
