احمد جابر
تأجلت لعبة The order: 1886 لبداية 2015، قال رئيس Ready at Dawn رو ويرسيورايا (Ru Weerasuriya) لموقع Eurogamer أن قرار تأجيل اللعبة سببه إعطاء المطور الوقت الكافي عشان يتأكد أن اللعبة ممتازة من كل النواحي.
تكلم رو عن أنه يبي اللعبة تطلع بالشكل اللي وعدوا به، مايبيها تطلع بشكل اقل من اللي يتوقعه الاعبين. شكلها كانت مقصودة احم احم “واتش دوجز” أحم. وقال” احنا في نقاش دائم ومفتوح مع سوني، قلنا لهم ‘شوفوا نقدر نوصل للجودة اللي تتوقعوها، لكن هذا الشيء يحتاج كم شهر زياده”.
قال برضه أن المشروع اكبر من اللي يتوقعه الجميع ” كل اللي عملناه لحد الأن كان اكبر من اللي خططنا له، لكن ماراح نضحي بسبب ضيق الوقت، الجودة تأتي أولا”.
وتكلم عن عدة نقاط اخرى تقنية، وعن مرونة العمل مع سوني وغيرها. اللعبة شكلها رهيب من ناحية المؤثرات والرسوم، بالعرض الأخير ماتقدر تفرق لما يكون فيه عرض و لما تلعب. شيء جدا ممتاز.
اذا فاتك الفيديو تقدر تشوفه هنا
اللعبة تحكي قصة السّير جالاهاد و3 فرسان تبنوا اسماء فرسان الملك ارثر النبلاء، معتمدين على مادة غامضة اسمها “Black Water” عشان يرفعوا قوتهم ويعالجوا انفسهم (طلعت هذي المادة بالعرض الاخير) مهمتهم ايقاف ومحاربة الوحوش الخارجة من ازقة لندن الضبابية. احداث اللعبة تجري في عالم افتراضي لمدينة لندن القديمة، بنظام سينمائي جميل. اللعبة يتم تطويرها من قبل Ready at Dawn و Santa Monica.
أشوف التأجيل من صالح اللعبة، يعطيهم وقت يطوروا اللعبة على راحتهم عشان تطلع بجودة ممتازة مثل ماقال رو.
وش رأيك بقرار التأجيل؟ شراكنا رأيك بالتعليقات
احمد خالد
Saudi Gamer
