محمد الشريف
نزلت أخيرًا وحدة من الألعاب اللي ننتظرها على بلاي ستيشن 4، ولو انها نزلت قبل سنة على بلاي ستيشن 3 وعشنا معها تجربة استثنائية.
اللعبة تم تطويرها بحيث تقدر تستغل قدرات بلاي ستيشن 4، بحيث صارت تشتغل بشكل صافي وسلس أكثر (60 اطار في الثانية ودقة عرض 1080p)، بالاضافة الى انك بتلعبها بيد تحكم بلاي ستيشن 4 واللي تعتبر أفضل بكثير من يد تحكم بلاي ستيشن 3. هذا غير ان اللعبة احتوت على جميع الاضافات اللي نزلت على نسخة بلاي ستيشن 3، وفي المستقبل بينزل لها اضافات لطور الأونلاين.
الفترة هذي ما نزلت ألعاب كثير، وقدامنا مشوار لا بأس فيه الين ما تنزل لنا ألعاب جديدة. فهذي فرصة للاعبين انهم يستمتعون فيها مرة ثانية، أو يلعبونها للمرة الأولى في حال مالعبوها من قبل.
سولف لنا عن تجربتك عن اللعبة باصدارها المطوّر، ووش الفروق اللي شفتها وأعجبتك، وهل فعلاً حسيت بالفرق بين النسختين ولا ما تحس ان فيه فرق؟
هذا كله يجيبنا لسؤال اليوم، واللي بنفتح فيه نقاش.
بارعة
احمد خالد
