الفائز في أكثر لعبة استمتعنا نتفرج عليها هي لعبة Goat Simulator. نزلت اللعبة على البي سي، أنظمة iOS وآندرويد، واكس بوكس ون.
نقصد فيه اللعبة اللي ما عندك مانع تجلس وتتفرج على أحد يلعبها، أو حتى تشغل مقطع يوتيوب وتشوف واحد يلعبها قدامك وتحس انك تستمتع فيها.
من هذا الباب، الألعاب المرشحة كثيرة مره، ولكن قدرنا نختار مرشين ونعتقد انهم الأفضل من هالناحية:
- 5 Nights at Freddies
- Goat Simulator
- The Evil Within
- Alien Isolation
ألعاب الرعب غالباً تقدر تتفرج عليها وتستمع فيها، ممكن تلاحظ هذا الشي مع أخوانك وتلاحظ انهم يجتمعون حولك اذا لعبت لعبة مرعبة وممكن يساعدونك فيها، بعد ما كانوا يشوفونك تلعب ألعاب ثانية ولا يطقون لك خبر أو حتى ممكن يستهبلون عليك. عشان كذا، تلاحظ ان ثلاث من المرشحين ألعاب رعب.
بالنسبة للعبة Goat Simulator، فهي لعبة ضحكنا فيها وانبسطنا معها كثير، نادر ما تشوف لعبة مثل هذي تتفرج عليها وتحس انك تستمع فقط وأنت تتفرج عليها. عشان هالسبب اخترناها كأكثر لعبة استمتعنا نتفرج عليها هالسنة!
وش أكثر لعبة استمتعت تتفرج عليها هالسنة؟
