محمد الشريف
أطلق ناشر اللعبة Bethesda تحديث مهم للعبة The Evil Within على الأجهزة المنزلية، بحيث -وأخيرًا- استبعدت الخطوط السودا اللي فوق وأسفل الشاشة، وصرنا نقدر نشوف الشاشة بالكامل.
المشكلة هذي كانت محل شكوى أغلب اللاعبين اللي ما قدروا يكملونها، بحيث قالوا ان الخطوط السودا هذي تحجب الرؤية بشكل مزعج، خصوصًا وان الكاميرا فيها مشاكل من الأساس، لان الشخصية كانت تاخذ جزء كبير من الشاشة، ومع الخطوط السودا تنحجب رؤية اللاعب ولا يقدر يشوف زين.
ناشر اللعبة، Bethesda يقول ان سبب اطلاق هذا التحديث، على الرغم من كونه شي أساسي في اللعبة، هو انها استمعت لآراء اللاعبين اللي طلبوا منها استبعاد الخطوط السوداء.
التحديث هذا نزل على نسخة البي سي مع اطلاق اللعبة، لكن لسببٍ ما يبدو ان بيذيزدا أخذت راحتها في اطلاقه على الأجهزة المنزلية.
عمومًا، اللعبة أول ما نزلت كان فيها الكثير من المشاكل التقنية، لكن الآن تحسنت اللعبة وتصلحت كثير من مشاكلها. أضف الى ذلك ان نزل لها ثلاث اضافات كبيرة، ولا أظن بيجيها اضافات بعد كذا. لذلك تقدر تقول ان اللعبة الآن وصلت الى أعلى نقطة لها، بحيث كل التحديثات والاضافات نزلت، وصارت جاهزة للناس اللي لا زالوا مهتمين فيها.
اللعبة برضه من الألعاب اللي أعجبتنا السنة اللي راحت.
هل تتوقع ان الخبر هذا بيخليك تشتري اللعبة؟
بارعة
احمد خالد
عصام الشهوان