وأخيراً، حضرنا استعراض واضح وطويل للعبة اللي الكثير يستاءل عنها، وخصوصاً بعد هبوط مستوى ألعاب الرعب في هذا الجيل، هل بتكون فعلاً مرعبة؟ حتى مخترع اللعبة ومخرجها شينجي ميكامي (Shinji Mikami) اعترف في مقابلة وقال انه “من الصعب اخافة اللاعبين في هذا الوقت”. مقالة اليوم ان شاء الله راح تجاوب على الكثير من الأسئلة اللي تدور حول هاللعبة المثيرة للاهتمام.
يبدأ الديمو في مسرح جريمة قدام قصر كبير، والقصر هذا جزء من مسرح الجريمة. تفرجنا على البداية وشفنا طريقة التصوير اللي تشبه Resident Evil 4 الى حد كبير. برضو لاحظنا بعض التفاصيل الرائعة في الرسوم (graphics) مثل بقايا المطر على جاكيت البطل حتى بعد دخوله للقصر، وغيرها من التفاصيل البسيطة والجميلة.
طبعاً الديمو ما كان يخلو من بعض الحركات اللي نشوفها في الألعاب من عرفناها، خصوصاً من اليابانيين، مثل واحد من الشخصيات كان ينتظرنا نوصل له عشان يكلمنا ويموت. اذا كنت لاعب قديم – مو شرط تكون قديم مرة- فأنت مريت بهذا الموقف أكثر من خمسين مرة على الأقل.
من الأشياء المهمة اللي لاحظناها في الديمو هو الدموية، مستوى الدموية في اللعبة كان عالي جداً. التقطيع والتذبيح وتطاير الدم وأعضاء بشر مقطّعة في كل مكان، وحوسة. كثير من الألعاب هاليومين تركز تركيز كبير على الدمويّة بحيث تعطي اللاعب جزء من جدّية اللعبة، ومثالنا على هذا اللعبة الأسطورية The Last of Us.
من ناحية طريقة اللعب (gameplay)، فطريقة القتال مافيها شي جديد مرة، تشبه رزدينت ايفل 4 (Resident Evil 4) الى حد كبير، ولكن مع اضافة التخفّي والتسلّل. التخفّي في اللعبة جيد، وبما انها لعبة رعب فهي راح تشد أعصاب اللاعب وهو يشوف العدو رايح جاي من عند المكان اللي يبغى يوصله بينما هو واقف في مكانه ينتظر اللحظة المناسبة. برضو فيه مصائد تحطها (traps) للأعداء، مثل بعض القنابل الموقوتة اللي تنفجر اذا مشى من عندها أي عدو. اضافة ماهي جديدة في عالم الألعاب، لكن وجودها بيكون له دوره في اللعبة.
أما من ناخية الرعب، وهذا هو أهم عنصر في اللعبة، فاللعبة شكلها مخيفة. تحتوي اللعبة على مناظر دمويّة وعنيفة كثير، وهذا يخيف كثير من الناس. وبرضو فيها عناصر رعب نفسي (psychological horror)، شفنا البطل أكثر من مرة يتهيأ أشياء ويتوهّمها وهي ماهي موجودة من الأساس. ما أذكر مرّت علي لعبة تجمع بين النوعين هذا من الرعب في هذا الجيل.
أخيراً، اللعبة بتنزل على PS3, PS4, Xbox 360, Xbox One, PC في 2014.
في ظل هبوط مستوى ألعاب الرعب، وش الأشياء اللي تحتاجها The Evil Within عشان تتجح؟ شاركنا برأيك في التعليقات!
فيديو اللعبة
