E3 2014أحداثمقالات

تجربتنا للعبة The Evil Within (تغطية معرض E3 2014)

theevilwithincoverphoto

جربت اليوم لعبة من أكثر الألعاب اللي متحمس لها هذي السنة، عكس كثير من الناس اللي متشائم منها.

حضرت أوّلاً لقاء مع مطوّري اللعبة واللي أعطونا معلومات عامّة وضرورية عن اللعبة. أول شي لاحظته في العرض اللي حطوه لنا ان اللعبة تعطيك امكانية انك تلعب بتخفي، عندك القدرة انك تتخفى وتتسلل من ورا الأعداء وتقتلهم بحيث ماحد ينتبه لك، وهذا شي رائع.

الشي الثاني ان بعد ما تقتل أي عدو، لازم “تحرقه” عشان تقضي عليه مرة وحدة، ولا بيرجع يقوم من جديد ويرجع يقاتلك. ذكرني هذا الشي نوعاً ما بلعبة Forbidden Siren، واللي كانوا الاعداء فيها ما يموتون أبد. يغمى عليهم فترة بعدين يرجعون يصحون.

فيه برضه بعض المواقف اللي شفتها في اللعبة يضطر اللاعب فيها انه يستسلم ويهرب من العدو، ما راح ينفع معه لا قتال بالتخفّي ولا قتال صريح. لازم تختبي تحت سرير أو مكان معين الين ما يروح الخطر.

هذا الشي برضه يذكرني بألعاب رعب كثيرة، أولها لعبة Haunting Ground على بلاي ستيشن 2، واللي فيها شخصية رئيسية في اللعبة ما تقدر تضارب خير شر، فلازم تختبي في الدواليب وغيره.

من الأشياء الجيدة برضه ان فيه تطوير للأسلحة اللي معك، والأسلحة كلها بشكل عام حسيت بمتعة وأنا أستخدمها. فيه سلاح يطلق أسهم، وهذا سلاح تقدر تقول انه سلاح صامت تستخدمه في حال كنت تبغى تتخفى.

فيه برضه الشوزن أو Shutgun والمسدس وغيره من الأسلحة الأساسية زي باقي الألعاب، لكن الفرق هنا اني حسيت بالمتعة وأنا أستخدمها في اللعب.

يمكن المأخذ الوحيد بالنسبة لي هو رسومات اللعبة، ولو ان الديمو الأخير اللي عرضوه لعامة الناس وانتشر في الانترنت كان ظالم جداً للعبة. أستغرب كيف بيثيزدا نشرت عرض زي هذا بينما الديمو اللي جربته أفضل بكثير من العرض اللي حطوه للناس!

باقي أهم سؤال يدور في بال اللاعب لمن يسمع اسم هاللعبة: هل اللعبة مخيفة؟ ما حسيت انها مخيفة جداً، لكن اللعبة لها جوّها الخاص اللي تميّزت فيه ولو انه كان مجرد ديمو. يبدو ان شينجي ميكامي صادق يوم قال ان صعب تخوّف اللاعب في هاليومين.

شعور اللعبة بشكل عام كان شبيه كثير باللعبة الأسطورة Resident Evil 4، ولا راح أبالغ وأقول ان اللعبة بتكون سطورة مثل رزدنت ايفل 4، لكن بكل تأكيد اللاعبين ظالمين هاللعبة.

أخيراً، اللعبة بتنزل في 24-10-2014 على بلاي ستيشن 3، اكس بوكس 360، بي سي، بلاي ستيشن 4، اكس بوكس ون.

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق