أخبار

قد جا على بالك تلعب ألعاب برجلك؟ شف هذا الجهاز الشاطح

the3drudderpic

طبعا مع تطور التقنية السريع كل يوم نسمع باختراع أو تقنية جديدة في مجالات كثيرة ومع إقتراب معرض CES 2015 الخاص بعرض كل ما هو جديد في عالم التقنية تم الإعلان اليوم عن جهاز مستشعر حركي جديد يسجل حركات رجلك وينقلها في اللعبة اللي تلعبها.

الجهاز هذا إسمه The 3DRudder وهو عبارة عن لوح دائري يوضع في الأرض تربطه لجهازك عن طريق سلك USB وطبعا يحتاج مزامنة عشان يسجل حركات رجولك بدقة وبعدها تقدر تلعب. الجهاز عبارة عن مشروع في موقع Indiegogo ويحتاج مبلغ 50 ألف دولار عشان يستمر ويتم تمويل المشروع بالكامل. حاليا المشروع وصل 15 ألف ونص دولار حتى الآن وباقي أقل من إسبوعين على إنتهاء الفترة المطلوبة للتمويل.

صراحة بعد ما شفت فيديو للجهاز عرفت ليش لحد الآن ما وصل للمبلغ المطلوب تحسه من ذا الإختراعات اللي محد يبيها ولا راح أحد طبيعي يتسخدمها في حياته. لكن لو ننظر للموضوع بنظرة ثانية أكثر إيجابية الجهاز بيكون مفيد جدا للي عندهم إعاقة من نوع ما وما يقدر يستخدم إلا رجليه أو اللي مبتورة يديه لأي سبب كان راح يستفيد جدا من هالمشروع سواء في التفاعل مع برمجيات الكومبيوتر أو حتى لعب الألعاب.

وش رأيكم شباب هل تشوفون أن هالمشروع ممكن يكون له تطبيق رهيب وقوي في عالم الألعاب أو أنه مجرد كماليات غير ضرورية لنا كلاعبين؟ شاركونا أرائكم في التعليقات.

الوسوم
اظهر المزيد

يزيد السويري

مترجم تخصص لغة إنجليزية أحب ألعاب ننتندو زي "super smash bros" و "Mario & Luigi" و"ماريو 64" أموت في شي إسمه Dynasty Warriors و نوع الألعاب المفضل عندي هو"hack and slash".
إغلاق