محمد الشريف
ستديو تطوير Telltale Games، ستديو تطوير معروف وسوّا ألعاب اشتهرت مثل The Walking Dead و Game of Thrones و The Wolf Among Us وغيرها الكثير، لكن اللي تقدر تلاحظه ان أكثرها هو اسم مشهور وموجود مسبقاً، استلموا العمل عليه في مجال الألعاب.
يبدو ان المطوّر يبغى ياخذ خطوة للأمام ويبدأ مشروع جديد كلياً ولا له علاقة بأي اسم معروف، يقول كيفن بيرنر المدير التنفيذي لستديو التطوير:
” قضينا وقت طويل وحنا نجرب ونشتغل على عنصر رواية القصة التفاعلية، وفكرنا كثير في بناء شي جديد كلياً نوصل من خلاله الى كل طموحاتنا وأحلامنا. النوع الصحيح من القصص، العصر اللي تصير فيه القصة، الشخصيات، كل شي”.
” سالفة انك تسوي عنوان جديد كليا هو شي مهم بالنسبة لأي شركة، لذلك فهو شي حاطّين فيه جهودنا كلها. اللعبة هذي بتكون الشي المناسب لنا تماماً”
تكلم المدير التنفيذي برضه عن الفرق بين الماضي والحاضر بالنسبة للمطوّر، كانوا يلاحقون الشركات ويطلبون منهم ياخذون أسامي مسلسلاتهم أو كتبهم عشان يسوون عليها لعبة، بينما الآن الشركات تجي عندهم وتطلب منهم التعاون معهم، مثل HBO اللي اشتغلوا معهم على لعبة Game of Thrones.
قيمنا قبل كم يوم الحلقة الثانية من لعبة جيم أوف ثرونز.
وش توقعاتك للعبتهم الجايه والجديدة كلياً؟
بارعة
احمد خالد
أيمن اليغشي