أحمد قربان
شركة سوني (Sony) تبغى تسمع لاقتراحات اللاعبين حول التحديثات القادمة لجهاز البلايستيشن 4 بحيث انها تبغا تعطي للاعبين الجهاز الشيء اللي بتمنوه، وهذا الشيء تقدمه سوني كتعويض للفترات الطويلة بين كل تحديث.
شوهي يوشيدا (Shuhei Yoshida) رئيس البلايستيشن وضح انهم مهتمين بهذا الشيء، ووضح ايضا ان توشيماسا اوكي (Toshimasa Aoki) هو المسؤول عن مميزات جهاز البلايسيتشن 4.
قال شوهي على حسابه الخاص في تويتر: “تقدروا تقدموا اقتراحاتكم وطبلاتكم لتوشي” توشي كمل على كلام شوهي وقال: “هذا الشيء راح يساعدنا”
توشيماسا متفاعل جدا على مواقع التواصل الاجتماعي ودائما يتجاوب مع الاسئلة، يعني لو عندك اي اقتراح لا تتدردد وروح اطلب منه.
شيء جميل وجود شخص متفاعل مثل توشيماسا بالشركة لكن السؤال هل هو فعلا راح يطبق الاقتراحات ولا يعطي الناس ردود تسليكية فقط لا اكثر ولا اقل؟ اتمنى تكون الاجابة الاولى، شخصيا اتمنى ان الجهاز يسجل لعبي مع تسجيل اصوات اللاعبين اللي كانوا معايا في البارتي اثناء التسجيل، اتكلم عن التسجيل وسط الجهاز مو عن طريق التسجيل المباشر في موقع تويتش. اتمنى انهم يطبقوا هذا الشيء لان احيانا اسجل لعبي مع اصحابي ولما اشوفه ثاني احس اني مجنون جالس يكلم نفسه 🙂
وش رايكم بالخبر ووش المميزات اللي تتمنوا ان يتم اضافتها للجهاز؟
احمد خالد
Saudi Gamer
