لعبة Sunset Overdrive تعتبر لعبة حصرية لجهاز الاكسبوكس ون لكن بعض الناس تسائلت إذا اللعبة بنشوفها على الPC مثل لعبة Ryse: Son of Rome و Dead Rising 3.
الأخ جيمس ولد ستيفنسون ( James Stevenson ) مدير التسويق والمجتمع رد على هذا التسائل لموقع Videogamer وقال:
” أنا مدري صراحة وش بيصير في المستقبل لكن حاليا ما عندنا أي خطط لاصدار اللعبة للPC حنا حاليا شغالين بجهد مكثف عشان ننهي تطوير نسخة الإكسبوكس ون وراح ندعم اللعبة حتى بعد الاطلاق وبعدها راح نشوف وش يصير بعدين.”
نذكر أن اللعبة بتنزل بتاريخ 28 أوكتوبر حصريا على الإكس بوكس.
شخصيا أتمنى أن تضل اللعبة حصريا للجهاز لأن الحصريات هي اللي تميز الأجهزة المنزلية عن غيرها في وجهة نظري. وش رأيكم أعزائي بكلام الرجال هل ودكم تنزل اللعبة للPC أو لا؟ شاركونا أرائكم في التعليقات.
