محمد الشريف
اليوم مع دراسة مثيرة للجدل. كشفت دراسة سواها مايك روز Mike Rose وتم نشرها في موقع GameStura عن قبول أصحاب قنوات يوتيوب للفلوس عشان يلعبون ألعاب معينة، الفلوس هذي تجيهم من أصحاب اللعبة.
الدراسة تمت على خمس آلاف شخص، كلهم لاعبين وعندهم قنوات في يوتيوب ولهم مشتركين. 70% من الأشخاص عندهم أقل من خمس آلاف مشترك، بينما 30% عندهم مشتركين تتراوح أعدادهم من خمس آلاف الى مليون مشترك.
بالنسبة للأشخاص اللي عندهم مشتركين أعلى من خمس آلاف، 26% منهم قالوا انهم يقبلون الفلوس اللي تجيهم من المطوّر عشان يلعبون لعبته، بينما 2% قالوا انهم ما يرغبون في الاجابة على السؤال.
أما بالنسبة للي عندهم مشتركين تحت خمس آلاف، فقالوا ان ما قد جاهم مطوّر وعرض عليهم فلوس عشان يلعبون لعبته. هذا معناته -حسب الدراسة- ان متى ما صار صاحب القناة عنده مشتركين كثار، كل ما صاروا المطورين يجونه ويدفعون له فلوس عشان يلعب لعبته.
هذا موضوع يتساءل عنه الكثير من اللاعبين: هل أصحاب قنوات يوتيوب تجيهم مبالغ معينة من المطوّر عشان يلعب لعبتهم، ولا صاحب القناة يختار اللعبة اللي تعجبه ويلعبها وخلاص؟
وش رأيك في الدراسة؟
احمد خالد
بارعة
أيمن اليغشي
