محمد الشريف
على الرغم من عدد المطورين على بلايستيشن 4 واكس بوكس ون تضاعفوا، الا ان البي سي وأجهزة الجوال هم المنصتين الأكثر تطوير – حسب دراسة جديدة.
نسبة التطوير على أجهزة الجوال صارت أقل من السنة اللي قبلها، بحيث كانت تشكّل 58% من المطورين اللي كانوا ناوين يطلقون ألعاب على الجوالات، وهذي السنة صارت نسبتهم 48%.
بالنسبة للاحصائيات اللي طلعت من الدراسة، فهذي هي:
- 26% من المطورين اللي سووا عليهم الدراسة قالوا انهم يشتغلون على لعبة على بلايستيشن 4، في عام 2013 كانت نسبتهم 14%.
- 22% من المطورين يشتغلون على لعبة على اكس بوكس ون، هذا الرقم كان 13% في عام 2013.
- 56% من المطورين قالوا ان لعبتهم بتكون متوفرة على البي سي.
- 29% من المطورين يتوقعون ان لعبتهم الجايه بيتم اطلاقها على بلايستيشن 4، في عام 2013 كانت نسبتهم 20%.
- 24% من التطورين يتوقعون لعبتهم الجايه بيتم اطلاقها على اكس بوكس ون، في عام 2013 كانت نسبتهم 19%.
- 53% من المطورين يتوقعون ان لعبتهم الجايه بيتم اطلاقها على البي سي.
- 48% من المطورين يتوقعون اطلاق لعبة على أجهزة الجوال أو الأجهزة اللوحية.
بشكل عام، ستديوات التطوير كبرت وصار وضعها أفضل من قبل، وهذا يعني ان فيه تحسّن في عام 2014 بالنسبة لتطوير الألعاب.
وش رأيك في الدراسة؟
احمد خالد
