محمد الشريف
كشفت دراسة سوّتها جمعيّة مطوّري الألعاب المستقلة Independent Game Developers Association ان مطوّري الألعاب يتمنون انهم يشتغلون في فالف (شركة ستيم) أكثر من أي شركة نشر أو تطوير ألعاب ثانية.
تمّت الدراسة على 2200 مطوّر، وكان من ضمن الخيارات اللي حطوها شركات كبيرة ومعروفة مثل ننتيندو وآكتيفيجن. الملفت للنظر ان الدراسة كانت تتوقع ان المطوّرين يرغبون يسوون شركاتهم الخاصة فيهم، لكن فالف أخذت المركز الأول في الدراسة. هذي القائمة بالترتيب:
- Valve
- شركتي الخاصة اللي أكوّنها بنفسي
- Activision Blizzard
- bioware
- Ubisoft
- الشركة اللي أشتغل فيها حالياً
- Nintendo
- Naughty Dog
- Double Fine
- Bethesda Game Studios
شركة فالف صنعت أشياء كثيرة أبرزها Cointer Strike وLeft 4 Dead وHalf Life والمحرك المعروف Source Engine بالاضافة الى أكبر شبكة في عالم البي سي، شبكة Steam. من مميزات فالف برضه انها شركة خاصة، فما فيها سوالف المستثمرين والتجّار والنتائج والأرباح المالية السنوية وهالسوالف اللي توجع الراس واللي تسبب ضغط على مطوّري الألعاب، وفي حالات كثيرة تضطر الشركة انها تستعجل في اطلاق ألعابها عشان ترضي المستثمرين.
لو خيروك تشتغل في شركة ألعاب، وش الشركة اللي بتختارها؟
احمد خالد
بارعة
