محمد الشريف
الأخ Strauss Zelnick، المدير التنفيذي في شركة Take-Two اللي تملك لعبة جراند ثيفت أوتو، تكلّم كلام كثير عن الألعاب المجانية، وكلامه مثير للنقاش.
في مقابلة معه، تكلم ستروس عن الألعاب المجانية وانها ما تدخل فلوس غالباً، يقول:
” مشكلة الألعاب المجانية بشكل عام ان نسبة اللاعبين اللي يلعبونها ولا يدفعون توصل الى 95% أو 97%، فقط من 3-5 بالمية هم اللي يدفعون. بينما نسبة اللي يدفعون لألعابنا نسبتهم 100%”. يقصد ان ألعاب الشركة مدفوعة وماهي مجانية.
انتقل بعدها للكلام عن جودة الألعاب المجانية وانها مش ولابد، يقول:
“وحدة من مشاكل الألعاب المجانية انها في كثير من الأحيان ما تخلّي اللاعب يتمسك فيها. ولو تشوف تاريخ الألعاب المجانية، بتلاحظ ان الشركات اللي نجحت في هذا المجال وعلى المدى البعيد هم الشركات اللي فاجأت اللاعبين بألعاب مجانية لكن فيها جودة رائعة. معظم الألعاب المجانية مافيها جودة عالية”.
أخيرًا، على الرغم من كلامه هذا ضد الألعاب المجانية، الا ان ستروس يتفهّم السوق هذا. ذكر ان السوق هذا يختلف عن سوق الشركة اللي يشتغل فيها تماماً.
يبدو ان كلام ستروس فيه جزء كبير من الواقعية، كثير من اللاعبين يتشاءم من الألعاب اذا عرف انها مجانية ويفترض ان مافيها جودة أو باختصار يقول عليها بايخه. وهذا كلام أعتقد انه صحيح.
وش رأيكم في كلام ستروس؟
احمد خالد
أيمن اليغشي
