محمد العليمي
اعلنت شركة فالف (Valve) انها بتسمح لناس الي يسون تعديل على الألعاب (Mod Makers) انهم يقدروا يبيعوا التعديل حقهم من خلال برنامج ستيم (Steam).
حالياً بتبدأ هذي الخدمة مع لعبة سكايرم (the elder scrolls v skyrim)، هذي اللعبة الي نزل لها اكثر من 24 الف تعديل (Mod) و تم تحميلهم اكثر من 170 مليون مرة، هذي التعديلات صممها مجتمع اللاعبين في Steam Workshop.
قالت شركة Valve “بنضع الناس الي يسون تعديلات (Mod makers) بموضع يسمح لهم بعمل تجارة للتعديلات حقهم، نعتقد انه هذي فرصة ممتازة لدعم ابداعات الناس الي يسون تعديلات و هذا الشئ بيساعدهم للوصول ل مستويات افضل بعمل التعديلات (Mods)”.
التعديلات الي الناس يقدروا يشتروها تضمن تقريباً كل شئ بلعبة سكايرم مثل تعديلات للدروع او لرسومات اللعبة..وغيرهم من التعديلات، وبعض التعديلات عليها أسعار معينة من شركة Valve و تعديلات ثانية انت تحدد السعر، و تقول شركة Valve ان اذا شريت تعديل (Mod) و كنت مو راضي عنه تقدر تسترجع فلوسك بس أقصى وقت عشان تسترجع فلوسك هو 24 ساعة.
مبلغ التعديلات بيتراوح سعرها ما بين 30 سنت (ريال وشوي) الى 7 دولار (26 ريال). القرار الآن يواجه موجة غضب من لاعبين البي سي، بما ان هذي الأشياء كانت متوفرة ببلاش والآن صارت بفلوس.
التعديلات (Mods) الآن متوفرة و أي واحد ممكن يشتري و طبعاً ﻻزم يكون عندك حساب في متجر ستيم (Steam)، الصراحة اشوف ان هذي حركة حلوة من شركة Valve و اتوقع نشوف تعديلات (Mods) جديدة و ممتازة للعبة سكايرم.
انتم وش رأيكم بهذي الحركة؟
احمد خالد
بارعة
