اعلنت شركة فالف (Valve) عن دخول خدمة الـSteam In-Home Streaming مرحلة البيتا المفتوح (Open Beta). إذا مو عارف وش معنى البيتا المفتوح شوف الفيديو اللي شرح فيه مشهور هذا المصطلح 🙂
من فترة بدأت فالف تشتغل على خدمة تسمح لك بإنك تلعب العاب ستيم موجودة في جهاز بي سي رئيسي، على أي جهاز اخر تملكه. مثلاً اذا عندك كمبيوتر قوي، تقدر من خلاله تلعب لعبة بأعلى الأعدادت على لابتوب بمواصفات عادية. ما يهم إذا الانظمة بينهم مختلفة، اهم شيء يكونون متصلين ببعض في نفس الشبكة. شيء رهيب ومشابه لخدمة الريموت بلاي بين الـPS4 و PSVita.
علشان تدخل البيتا، تحتاج تفعلها من خلال اعدادات برنامج ستيم على جهازك وتنزل اخر إصدار من البيتا (حق ستيم).
بصراحة الخدمة رهيبة وتحل مشاكل كثير، لكن مشكلتها انه لازم يكون عندك كمبيوتر بمواصفات عالية. اتمنى ستيم يشتغلوا على خدمة تسمح لك انك تلعب الالعاب بشكل مباشر (بدون تحميل) من خلال سيرفرات مخصصة، مثل خدمة PlayStation Now.
وش رأيكم بهذي الخدمة؟
