محمد الشريف
كشفت سكوير انيكس شركة الألعاب المعروفة عن تقريرها المالي، ويبدو انها جابت أرقام فوق المتوقع.
التقرير، ومثل باقي الشركات، يعرض نتايج أداء الشركة الى يوم 31 من شهر ديسمبر، واللي بدأ من تسعة شهور قبلها. أرباح الشركة ارتفعت بنسبة 16% مقارنة بالسنة اللي راحت، بحيث سجّلت سكوير 1 مليار دولار خلال الفترة. صافي الأرباح للشركة برضه ارتفع، بحيث سجلت الشركة 92 مليون دولار مقارنة بـ42 مليون السنة اللي راحت، تقدر تقول حوالي الضعف.
بالنسبة لأسباب الأرباح هذي، تقول سكوير انها بسبب تركيزها على ألعاب الجوال. سكوير عندها ألعاب جوال مثل Sengoku IXA و Dragon Quest كان أداءها ممتاز بالنسبة للشركة.
الملفت للنظر ان الشركة ما جابت طاري لألعاب الأجهزة المنزلية كمصدر للأرباح، ممكن عشان سكوير ما نزّلت شي مهم السنة هذي.
عموماً، 2015 المفروض ان سكوير تطلق لعبتها المنتظرة The Rise of The Tomb Raider بالتعاون مع مايكروسوفت، واللي بتكون حصرية (مؤقتة) لاكس بوكس ون.
احمد خالد
