أخبار

عرض جديد يستعرض لك لعبة Splatoon بشكل مفصّل أكثر من قبل

splatoon Wii U

أطلقت ننتيندو عرض جديد لحصريتها Splatoon.

سبلاتون، راح تكون في عالم كرتوني وبشخصيات كرتونية. اللعبة موجهة لعمر 10 سنين ومافوق (نفس تقييم Minecraft) فأتوقع بيكون فيها طور لصناعة العوالم لأن غالبية الألعاب في هذا التقييم فيها اتاحة صناعة العوالم للاعبين، فكرة اللعبة انك تختار شخصية ولون وراح تبدأ تلعب في الماب ضد فرق آخرى وكل فريق له لونه المختلف، وزي ما شفنا بالإعلان ان فيه أكثر من نوع للأسلحة و القنابل. تقدر تصبغ أي شي في عالم اللعبة وتقدر تصبغ اللاعبين، اللاعب أيضاً عنده القدرة ان يتسلق الجدران او يمشي بسرعة من دون ماحد يشوفه بس الي عليك تسويه انك تتحول لكائن يشبه الاخطبوط شوية 🙂 وتنزلق اما عالجدران او الأرضيات.

حسب ماشفت بالإعلان حاجة تشبه الـKillstreaks (انك تقتل أكبر عدد من الأعداء بدون ما تموت) تقدر تستخدمها ضد خصومك (ظهر في الإعلان اعصار كبير بلون وردي و درع حماية بلون أزرق و مدفع بجهتين)، كمان حسب ما ظهر في الإعلان ان فيه نمط تختيم ونمط ملتي بلاير، ومثل ماظهر انه فيه أنواع من العوالم بأنواع مختلفة من الوحوش وبعدها تقابل زعيم العالم.

وش انطباعاتكم عن لعبة الشوتر من ننتيندو؟

الوسوم
اظهر المزيد

خالد عبدالله

متخرج من جامعة الملك عبدالعزيز، Editor سابق، كاتب لسعودي جيمر، مؤسس KLGaming، اللعب فن!😘
إغلاق