بعد رعاية لسنوات طويلة، فاجأت سوني الجميع اليوم باعلانها عن عدم نيتها لتجديد عقدها مع FIFA لأسباب ذكرتها، لكن فيه أشياء خافية بنتكلم عنها.
بعد اعلانها المفاجئ، قالت جريدة Nikkei ان سوني ما راح تجدد العقد مع فيفا لانها تفضّل انها تصرف فلوسها على اعادة بناء الشركة نفسها، ولا يخفى علينا المصاعب اللي تمر فيها سوني حالياً. التحليل منطقي وممكن يكون مقبول، لكن فيه شي أهم من كذا.
منظمة فيفا مؤخرًا صار يحوم حولها الشك، وفيه جهات كثيرة اتهمتها بالفساد والشغل اللي من تحت الى تحت. بدأت الاتهامات هذي من بعد اعلان فيفا عن استضافة البرازيل وقطر وروسيا لبطولة كأس العالم. تذمرت كثير من الشركات عن هذي الاعلانات، وبعضها سحب نفسها بالعلن مثل الخطوط الاماراتية.
أخيرًا، واحد من ممثلي فيفا قال لجريدة: “العقد مع سوني بينتهي في 31 ديسمبر من هذا الشهر، وحنا لا زلنا في نقاشات مع سوني”.
وش رأيكم بخطوة سوني، هل تشوفون صح عليها انها سحبت نفسها من المنطقة المشبوهة؟
