أخبار

سوني تعرف ان الكثير يتساءل بخصوص لعبتها الغريبة Dreams، وبتعطي معلومات كثيرة قريبًا

dreams-2-1280x720

لو تابعت مؤتمر بلايستيشن في معرض إي ثري لهذي السنة، فغالبًا انك شفت عرضهم للعبة Dreams اللي من تطوير ستديو Media Molecule، اللي قدم لنا ألعاب رائعة مثل LittleBigPlanet و Tearaway، أفضل لعبة في عام 2013 في موقعنا.

حتى عرض اللعبة كان غريب ولا يوحي بشي واضح، عرفنا بعدها ان هدف اللعبة انها تقدم مجموعة من الأدوات للاعبين بحيث يكونون تجاربهم الخاصة فيهم، وان المقاطع في العرض هي من صنع اللاعبين. تقدر تقول انها لعبة موجّهة بشكل واضح الى أصحاب قنوات يوتيوب.

شوهي يوشيدا، مدير ستديوات تطوير سوني العالمية، وصف اللعبة على انها “منصة تكوين محتوى للجيل الجديد” وانها متطوّرن ومرنة بشكل أكبر من لعبتهم السابقة ليتل بيق بلانت.

” في ليتل بيق بلانيت، كان بامكانك تكوين لعبة في وسط لعبة. أما في لعبة دريمز، فما يحتاج تكوين لعبة، تقدر ترسم رسمة معينة، أو تقدر ترسم رسمات متحركة، أو تقدر تاخذ المحتوى اللي يسوونه اللاعبين وتستخدمه في المحتوى اللي بتسويه”.

تكلم يوشيدا بعدها عن مفهوم اللعبة وعرّفها، عشان يبسّط الفكرة لنا ويوضحها:

” المفهوم الأساسي منها هو اننا نخلي تكوين المحتوى بديهي وحسّي أكثر، واننا نعطيها للاعبين اللي ما يعرفون يتعاملون مع برامج الثري دي المعقدة، واننا نخلي الفنانين يحسون انهم يبدعون مثل ما يبدعون في الحياة الحقيقية”.

يوشيدا حاط آمال كبيرة على اللعبة، يقول:

” نتصوّر اننا بنشوف محتويات مثل المحتويات الموسيقية ويشاركونها مع مجتمع اللعبة. مجتمع اللاعبين اللي بنسويه بيكون مجتمع بحيث أي واحد يقدر ياخذ أي محتوى موجود في اللعبة ويستخدمه بالطريقة اللي يرى انها مناسبة”.

أخيرًا، ختم يوشيدا كلامه بجملة تدل على اهتمام سوني الكبير باللعبة:

” هذا مشروع ضخم”.

بعد هالتصاريح، وعد يوشيدا ان سوني بتعرض شي أكبر وأوضح للعبة في معرض ألعاب Paris Games اللي بيصير قريبًا، واللي بنغطيه باذن الله.

مشروع غريب وطموح. وش رأيكم؟

 المصدر

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق