يزيد السويري
يقول مدير العلاقات العامة في سوني الاخ أدم بويز ” Adam Boyes ” إن وده تكون منصات البلايستيشن المختلفة أسهل ما يكون للتطوير على المطورين. ويقول في مقابلة مع موقع CVG إن وده تكون منصات البلايستيشن مفتوحة قدر الامكان للمطورين زي خدمة ستيم والجوال.
وقال: ودي تكون منصة البلايستيشن أسهل وأريح مكان للتطوير لاي شخص يبي يسوي العاب رهيبة، وتوصل العابه لاكبر شريحة ممكنة من الناس. وأن سبب سهولة نقل الالعاب للبلايستيشن4 هو أن هيكلة الجهاز مشابهة جدا للحاسب.
عندكم لعبة تور فول ” TowerFall ” أخذت بس حوالي ثمانية اسابيع عشان تنزل على البلايستيشن4، ونفس الكلام للعبة اكتو داد ” Octodad ” اللي اخذت حوالي ثمانية الى عشرة اسابيع بس. وبكذا نستنتج ان منصاتنا تسهل على المطورين نقل العابهم.
لما نتكلم عن البلايستيشن فحنا نقصد منصة متنوعة وغنية بالمحتويات. بدأ من ألعاب كبيرة زي كول اوف ديوتي ودستني وباتل فيلد وصولا الى العاب بسيطة زي ستار وول جست ذا تب ” Starwhal: Just the Tip ” ونيد هوق ” Nidhogg “.
وأضاف على كلامه أن سبب نجاح الشركة هو رحابة صدرها واخلاصها في تعاملاتها مع المطورين المستقلين. وقال بعد ان التزام سوني مع المطورين المستقلين التزام جدي لدرجة ان الرغبة في نقل العابهم لأجهزتنا هي رغبة المطورين نفسهم.
بصراحة اشوف حلو التغير اللي صار في سوني وانفتاحهم مع غالبية المطورين سواء كانوا كبار او صغار. اللي مخوفني شي واحد بس وهو ان العاب المطورين المستقلين تكثر لان بصراحة خل نكون واقعيين مو كلها حلوة. اللي عنده البلايستيشن4 بيعرف قصدي “”يا ويلي من عبدالله حامد الحين بيشب علي”” ما علينا ابي رأيكم انتم اعزائي هل تشوفون التغير الحاصل في سياسة سوني شي كويس او لا؟
Saudi Gamer
أحمد عصام
