شركة سوني عندها خدمة اسمها بلايستيشن موبايل (Playstation Mobile)، هذي الخدمة كانت مبادرة من سوني لدعم الاجهزة الذكية اللي تشتغل بنظام الاندوريد ومساعدة المطورين المستقلين في تطوير العابهم على اجهزة البلايستيشن فيتا (PS Vita) واجهزة الاندرويد. لكن للاسف اعلنت سوني انها راح تتوقف عن دعم خدمة بلايستيشن موبايل.
الخدمة راح تشتغل رسميا مع اجهزة الاندرويد اللي نظامها 4.4.2 او اقل، اما الاجهزة اللي نظامها 4.4.3 فسوني ماراح تضمن ان العابها راح تشتغل بشكل مناسب على الجهاز وايضا ماتضمن للمستخدمين امكانية الدخول لمتجر سوني الخاص. وسوني وضحت ايضا ان ماعندها اي خطط لدعم اي جهاز.
خدمة بلايستيشن موبايل قدمت العاب بلايستشن ون لمستخدميها بالاضافة لبعض الالعاب الخاصه بهذي الخدمة مثل لعبت فيلوسيتي (Velocity)، ومعظم الالعاب المشهورة اللي كانت موجودة للمستخدمين في هذي الخدمة كانت موجودة ايضا لمستخدمي اجهزة ابل (Apple) في متجر ابل الخاص.
من المرات القليلة اللي سوني تتراجع فيها عن شي بدأته، اكيد عندهم رؤية خاصة لهذا الاعلان مانعرفها، بس الشي الواضح لنا هو انها تبغا تمشي سوق الفيتا، لان الاجهزة الذكية تقدر تشغل معظم العاب الفيتا بشكل ممتاز. بالاضافة ان العاب الاندي اللي هي من مطورين مستقلين تشتغل على البلايستيشن 4 و تمشي الحال لنا في الفترة الحالية لقلة الالعاب، ممكن هذا سبب ايضا بحيث انهم قالو احنا العابنا بتنلعب في البي اس 4 ليه نتعب نفسنا؟
اش في رايكم السبب لتوقف سوني عن دعم الخدمة ؟ شاركونا
