في الآونة الاخيرة صار التركيز على الواقع الافتراضي كبير. شفنا الأوكيليس ريفت (Oculus Rift) وجهاز مورفيوس (Project Morpheus)، حتى فيسبوك صارت مهتمة بهذي التقنية. الكل اصبح مهووس بها. بجانب هذي التقنية، سوني شغالة على تقنية تسمى الواقع المعزز (Augmented Reality) تقدر تتفاعل مع الاشياء اللي تظهر بشاشة التلفاز مثل لعبة سوني Play Room.
سوني نشرت ديمو تقني تورينا وين وصلوا بهذي التقنية. تعتمد هذي التقنية على الكاميرا حقت البلاي ستيشن 4. الفيديو الأول يورّيك شخص يلعب بالماء بدون ما يبلل غرفته.
الفيديو الثاني يورّيك كيف الدايناصور و Hatsune Miku (شخصية افتراضية مشهورة) تتأثر بالضوء وتستجيب له. حاجة رهيبة!
سوني مب الشركة الوحيدة اللي تشتغل على الواقع المعزز. في 2012، طلعت اشاعات ان مايكروسوفت تشتغل على نظارات للواقع المعزز بأسم Fortaleza والمفترض انه يتم اطلاقها في 2014 للأكس بوكس ون، بنفس الوقت موظفين سابقين لشركة Valve وصلوا مليون دولار في كيكستارتر (Kickstarter) في السنة الماضية لمشروعهم للواقع المعزز castAR.
شفنا له تطبيقات كثيرة لكن سوني ومايكروسوفت ماأعلنوا عن أي شيء رسمي عن تقنية او جهاز خاص بالواقع المعزز، فممكن يكون الديمو اللي اطلقته سوني مجرد استعراض وماراح نشوفه ابداً.
من ناحيتي مو مهتم بهذي التقنية حاليا لأني ماأشوف فيها شيء مثير للأهتمام. ممكن تستمتع فيها نص ساعة وبعدين خلاص عكس الواقع الافتراضي. وممكن يكون شيء ثوري في المستقبل. ماندري.
وش رايك بالواقع المعزز؟ وهل الفيديو اثار اهتمامك؟
