في مقابلة مع نائب رئيس سوني أمريكا، تكلّم آدم بويس نيّة سوني في اطلاق برنامج يسمح للاعبين انهم يجربون الألعاب قبل اطلاقها الرسمي. الشي هذا متعارف عليه في عالم البي سي تحت اسم Early Access أو الدخول المبكر، ويقصدون فيه الدخول المبكر للألعاب.
في معرض E3 الأخير، سألوا آدم عن الموضوع، وقال ان هذي نقطة حوار ساخنة داخل سوني. يقول آدم: “في أي مرحلة من التطوير نقدر نطلق أي لعبة؟ حنا نحاول اننا نكون عارفين العميل اللي بيشتري من عندنا. ما نبي واحد منهم يشتري لعبة ويتوقع انها لعبة كاملة وفي الأخير يتفاجأ وياخذ انطباع سلبي”.
الهدف من هذا البرنامج هو مساعدة المطورين اللي يحتاجون هذا الشي، لأنه يساعدهم في توجيههم الى الطريق الصحيح، كون اللاعبين يجربون اللعبة وهي لا زالت تحت التطوير ويعطون المطوّر انطباعاتهم. يقول آدم: “نبغى نساعد المطوّر اللي ما عنده فرص كبيرة”.
تكلم آدم عن اختلاف اللاعبين، يقول آدم: “فيه نوع من اللاعبين دئماً يدعم المشاريع مثل مشاريع kickstarter، ويجربون ألعاب وهم عارفين انها ما انتهت من التطوير ولكنهم يبغون يساهمون في توجيهها للأفضل”.
رجع آدم وتكلم مرة ثانية عن الوقت المناسب لاطلاق اللعبة اللي ما انتهت. يقول آدم: “حنا حالياً نشتغل على هذا الموضوع. طبعاً عندنا قائمة فيها أساسيات تقنية معيّنة لازم تتجاوزها اللعبة. لا زال مشروع القائمة هذا تحت النقاش من قبل الكثير داخل سوني، ما عندنا تفاصيل لهذا المشروع، لكننا نشتغل عليه بأولولية وبشكل يومي”.
بعض اللاعبين يجبون الأشياء هذي، يحبون يجربون الألعاب ويساهمون في تصليحها من خلال اكتشافهم للأخطاء اللي فيها. لكن في الطرف الثاني نلاحظ ان فيه لاعبين ماهم راضين عن هذا الشي، ويقولون ان اللعبة المفروض ما تطلع للناس الا بعد ما تنتهي من مرحلة التطوير وتصير جاهزة بشكل كامل.
وش رأيك أنت في الموضوع، هل أنت معه أو ضده، وليش؟
