استفتاءاتمقالات

هل تشوف ان تخفيضات سوني الأخيرة على ألعابها ممكن تنافس تخفيضات ستيم؟

sonylogocoverpic

أعلنت سوني قبل ثلاث أيام عن تخفيضات من نوع جديد عليها، وهو تخفيض ثلاثين لعبة في المتجر الأمريكي وبيعها كلها بسعر واحد وهو 99 سنت فقط (أقل من أربع ريال). الملفت للنظر ان بعض هالألعاب قيمتها الأساسية 20 دولار (75 ريال) وبعضها 15 دولار وأقل منها الين ما توصل الى خمسة دولار.

فيه تخفيضات كبيرة قد صارت من قبل، سواءً من سوني أو مايكروسوفت، ولكن تضل هذي التخفيضات كلها بعيدة كل البعد عن التخفيضات الخرافية اللي تصير في شبكة ستيم (Steam) على البي سي، الى هذا التخفيض الأخير من سوني، أو على الأقل بالنسبة لي.

ممكن البعض يقول ان كل الألعاب قديمة وما تستاهل انك تشتريها من الأساس، لكن هذي بعض الألعاب اللي لفتت نظري في القائمة:

  • Braid – سعرها الأساسي 15 دولار
  • Super Stardust HD – سعرها الأصلي 10 دولار
  • Sam & Max: The Devil Playhouse – سعرها الأصلي 20 دولار

فيه غير هالألعاب 27 لعبة مثل ما ذكرنا في بداية المقال، واحتمال القارئ يلقى ألعاب تثير اهتمامه أكثر من اللي ذكرتها أنا.

التخفيضات الأخيرة هذي خلتني أتساءل: هل هذي البداية الصحيحة لشركات الأجهزة المنزلية في تقديم تخفيضات تنافس تخفيضات ستيم اللي كثير يعتبرها فارق حاسم بين عالم البي سي وعالم الأجهزة المنزلية؟ ودنا نعرف أجوبتكم مع الأسباب!

هل تشوف ان تخفيضات سوني الأخيرة على ألعابها تنافس تخفيضات ستيم؟

مشاهدة النتائج

جاري التحميل ... جاري التحميل ...

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق