سجلت سوني براءة اختراع مثيرة للاهتمام، وهي عبارة عن قطعة تشبه البلاي ستيشن موف (PS Move Controller). البلاي ستيشن موف فشلت والكثير يتفق على هالكلام، ولكن المثير للاهتمام في براءة الاختراع هذي، انه بامكانك تشكّلها لعدة أشكال! بمعنى ان القطعة ممكن تتحول الى شكل يشبه سلاح رشاش، أو تتحول الى شكل وتستخدم القطعة كأنها سيف، وغيرها من الأشكال. الصورة توضّح لك الاختراع، اللي على اليسار الشكل الأساسي للقطعة، والشكل اللي على اليمين هو الشكل اللي ممكن تتحوّل له القطعة.
على اني لاعب تقليدي متمسّك جداً بيد التحكم العادية والمعروفة وأقف ضد الاختراعات هذي، لكن ما أقدر ألوم سوني على محاولتها لدخول هذا المجال من جديد، خصوصاً بعد نجاح اكس بوكس كينيكت (Kinect) سواءً على الاكس بوكس 360 أو الاكس بوكس ون.
عموماً، براءات الاختراع ما تعني أبداً ان سوني بتسوي هذا الشي فعلاً. ممكن تكون مجرد تسجيل لاختراع يحتاجونه في المستقبل القريب او البعيد. وهذي حركات الشركات الكبيرة، دائماً يسجلون براءات اختراع كثيرة عشان ياخذون احتياطاتهم للمستقبل.
لكن لو صار الموضوع قريب وطلعت سوني من جد ناويه تطلّع قطعة زي كذا. وش العوامل والأسباب اللي بتخليك تشتري القطعة هذي؟
