محمد الشريف
كشفت سوني اليوم عن الأسعار المبدئية لخدمتها الطموحة بلاي ستيشن ناو، وهي الخدمة اللي تسمح لك انك تلعب ألعاب على جهازك عن طريق ايجار اللعبة بدال ما تشتريها، وتصير تلعب اللعبة بالكامل عن طريق الانترنت بدون ما تحتاج الى تحميلها.
الملفت للنظر ان الخدمة حالياً في مرحلة البيتا، ومع ذلك اللاعبين اللي يستخدمون الخدمة لازم يدفعون مبالغ الايجار عشان يلعبون. يبدو ان سوني تبغى تشوف ردة فعل الناس على الأسعار وتشوف هل هي مناسبة أو لا.
أما بالنسبة للأسعار، فمافيه ألعاب كثيرة، لكن كمثال بسيط عندك لعبة Final Fantsy XIII-2 تستأجرها بمبلغ 4.99 دولار لمدة أربع ساعات، و7.99 دولار لأسبوع، 14.99 لشهر كامل، و29.99 دولار لتسعين يوم.
عندك برضه لعبة Guacamelee تقدر تستأجرها بمبلغ 2.99 لمدة أربع ساعات، و5.99 لمدة أسبوع، و7.99 لمدة شهر، 14.99 لمدة تسعين يوم.
الأسعار ما أتوقع بتكون ثابتة بما ان الخدمو كلها لا زالت في مرحلة البيتا، وهي مرحلة اختبارية ممكن يصير فيها تغيير في أي لحظة.
وش رأيك بهالأسعار؟
احمد خالد
