محمد الشريف
g
أعلنت سوني اليوم عن اضافة ضخمة للعبة كيلزون: شادو فول (KillZone: Shadow Fall)، وهي عبارة عن اضافة فيها طور جديد بالكامل، وهو طور تعاوني co-op لأربع لاعبين يلعبون مع بعضهم في أربع خرايط مقتبسة من طور القصة من اللعبة نفسها.
الاضافة هذي بتكون متوفرة للي اشترك في Season Pass (مبلغ معيّن تدفعه مع نزول اللعبة وتاخذ اضافات عديدة في المستقبل) وبيتم وضعها كاضافة لحالها نهاية هذي السنة.
المهمات اللي في الاضافة بتلعب فيها كفرقة خاصة من VSA (أبطال اللعبة الأساسية) وبتكون مهمتك انك تقطع وتعترض اتصالات الهيلقان وترسلها للقاعدة حقتك. بتلعب في الاضافة في الكلاسات المعروفة في اللعبة مثل Assasult (جندي اقتحام) وMarksman (قناص) وMedic (طبيب) وTactician (جندي استراتيجي).
الأرهب من هذا كله ان الاضافة بيكون فيها Jetpacks! واللي هي معدات تخليك تقفز قفزات عالية في الهواء، بالاضافة الى ان بيكون فيها هجمات جوية باستخدام الصواريخ.
الاضافة هذي من زمان انتظرها، أول ما نزلت كيلزون اشتريت سيزون باس وجاتني خرايط وأشياء مجانية تمشي الحال، لكن الحين أقدر أقول اني مبسوط بهذا الاعلان اللي كنت أنتظره. كيلزون بالذات أحب الأونلاين فيها جداً، لدرجة اني أفضله على ألعاب كبيرة مثل باتلفيلد وكول أوف دوتي.
هل تعتقد ان هذي الاضافة كافيه انك ترجع تلعب كيلزون؟ واذا لا، وش اللي تحتاج تسويه كيلزون عشان ترجع تلعبها؟
احمد خالد
