احد اللاعبين الوفيين لسلسلة سولز (Souls) ختم لعبة دارك سولز (Dark Souls) في بث مباشر باستخدام يد تحكم البونجو (Bongo controllers). اللاعب اسمه في موقع تويتش (Twitch) بيرزلي (Bearzly).
بيرزلي سبق وان ختم دارك سولز 1 ودارك سولز 2 باستخدام يد تحكم قيتار. طبعا انك تختمها باستخدام يد تحكم قيتار يعتبر انجاز اسطوري، لكنه الان اخذ التحدي لمستوى جديد باستخدامه ليد تحكم البونجو.
يد تحكم البونجو معقدة جدا و عدد ازاريرها اقل من عدد الازارير اللي تحتاجها في لعبة دارك سولز نفسها، لكن اليد فيها زر يسمح لك تغير نمط اليد، يعني مثلا تقدر تضغط زر على انه اكس (X) و بعدها تغير وضعية اليد بضغطة زر ويصير نفس الزر اللي كان اكس يتحول الى مربع، هذا مجرد مثال بسيط، مشكلة اليد انها ماتقولك انك غيرت الوضعية ولاتعطيك اي خبر، يعني مالك الا تتوكل وتجرب بنفسك. الشيء المثير اكثر ان بيرزلي ما حدد اي زر من ازارير لليد للضربة الثقيلة (Heavy attack) يعني كل اسلوب لعبه يعتمد على الضربات السريعة.
بعد ماجرب بيرزلي يد تحكم البونجو و ختم بها اللعبة قال: “كانت تجربة ممتعة، مجموع ساعات اللعب اخذ اقل من 5 ساعات و 30 دقيقة، وعدد المرات اللي مت فيها حوالي 57 مرة”
اللعبة بيد التحكم العادية صعب جدا انك تخلصها باقل من 6 ساعات، لكن واضح ان بيرزلي مجنون بشيء اسمه دارك سولز، الشيء اللي سواه فعلا مو طبيعي.
وش رأيكم بالتحدي الصعب؟
