أجرت جامعة نوتينجهام دراسة تقول أن لعب الألعاب الإلكترونية لها تأثيرات سلبية، زي أنك تسمع صوت من اللعبة الي دايم تلعبها وأنت تسوي حاجات مالها دخل بالالعاب.
الدراسة تجري على موضوع ” Game Transfer Phenomena ” والي يتضمن التخيل ودراسة الإدراك والحواس بسبب الألعاب الإلكترونية، و 12% من 1244 مشارك دخلوا بالدراسة قالوا أنهم بدأو يسمعون أصوات وموسيقى وحوارات الشخصيات كأنهم داخل اللعبة، وواحد من المشاركين قال أنه إذا بيقطع طريق يسمع صوت واحد يكرر “تقدم ، تقدم” .
وحسب الدراسة أن هذي الحالات ما تحصل إلا بأوقات اللعب الطويلة مثل يوم أو اكثر مو بس ساعات وتقول أنه هذا طبيعي وما يسبب القلق. ركّز على على ان هذي الهلوسة ما تصير الا بعد ما تقضي ساعات طويلة بدون استراحة، وهذا شي ماهو صحي من الأساس. طريقة اللعب الطبيعية هي انك تاخذ استراحة لمدة عشر دقايق بعد كل ساعة لعب.
كثير من الدراسات في الوقت الحالي صارت تميل لصالح ألعاب الفيديو، لكن هذي ماهي وحدة منها. اللاعبين عادةً يزعلون من بعض الدراسات المبالغ فيها، مثل اللي تقول ان اللاعبين يتأثرون بألعاب الفيديو اللي فيها جرائم واحتمال ينفذونها في الحقيقة.
وش رأيكم بالدراسة ، وهل قد صارت لكم مواقف زي كذا ؟ عطونا رأيكم بالتعليقات
