فرح عبدالله
شركة ريبيليون (Rebellion) لتطوير الالعاب اعترفت ان فيه ناس مجرمين سرقوا مجموعة من اكواد ستيم للعبة (Sniper Elite 3) من طرف ثالث، وباعوها بسعر رخيص للناس، ستيم الغت كل الاكواد المسروقة، والمساكين الي اشتروها مقهورين.
سوق البي سي شاطح شوي، وعشان كذا سهل انك تلاقي عروض جيدة على الالعاب الجديدة والالعاب الي عليها طلب مسبق (pre-order)، لكن احيانا ممكن تنخدع.
الالعاب الي تتطلب تشغيل ستيم، ممكن تشتري اكوادها من خارج ستيم زي امازون مثلا او مواقع ثانية. وجا واحد حقير سرق الاكواد من واحد يبيعها بطريقة قانونية وراح باعها بسعر رخيص.
لما شركة ريبيليون عرفت، حذرت شركة فالف (Valve) والغت الاكواد المسروقة. والاشخاص الي اشتروها زعلانين لان شركة ريبيليون ماعرضت انها ترجع لهم فلوسهم. الشركة توزع اكواد مجانية للاضافة الحصرية للعبة (Target Hitler DLC). يعني في الاخير الاكواد مسروقة لا شركة ريبيليون ولا فالف ولا البائع الي انسرقت منه الاكواد جاهم اي ربح من عملية الشراء.
وهذي افادة شركة ريبيليون على السالفة ” للتوضيح، احد موزعينا بلغنا انه انسرقت منه مجموعة اكواد ستيم. وتم اعادة بيعها بدون اي فوائد لفالف او لموزعنا. وبلغنا ستيم فورا وتم الغاء الاكواد. كمطورين ريبيليون مبسوطين انك تشتري اللعبة من اي مكان يناسبك وتدعم المنافسة بين الاسعار في سوق البي سي. كل الي ممكن نقترحه عليك انك تتواصل مع البائع وتطلب كود بديل، وبعدين تتواصل معانا عشان الطلب المسبق للاضافة المجانية.”
سوق البي سي مليان خدع واحتيالات لازم الواحد يكون منتبة منهم ومايشتري الا من ناس واثق فيهم، لانك لو انخدعت محد بيساعدك لانها عمليات غير قانونية.
احمد خالد
بارعة
