محمد الشريف
جربنا اليوم لعبة من نوع غريب، لعبة يجي معها دمى (figures) تستخدمها في اللعبة. كانت تجربة فريدة من نوعها، وبنتكلم ونشرح كل شي شفناه بالتفصيل.
أول شي أحب أقوله، وقبل لا ندخل في اللعبة، اني ما أعرف أي شي عن سلسلة Skylanders بما انها سلسلة موجّهة لصغار السن. لذلك، راح أتكلم عن انطباعي كلاعب أول مرة يجرب هذي اللعبة.
أولاً، اللعبة أفكارها ممتازة، لكن أعطوني فرصة أشرح اللعبة بما انها تحتاج الشرح.
اللعبة أساساً يجي معها دمى، بالاضافة الى منصّة (platform) تحط عليه الدمى هذي، وكل دمية تحطها فوق المنصّة راح تشوفها قدامك في اللعبة! بمعنى انك لو تحط الدمية حقة Spyro، راح تشوف اللعبة تحمّل الشخصية وتطلعها قدامك في الشاشة بحيث تلعب فيها.
طبعاً، كل شخصية لها ميزاتها، بمعنى ان فيه شخصيات سريعة وخفيفة، وشخصيات ثقيلة وضرباتها قوية، وغيرها من الميزات والعيوب. فيه مهمّات خاصة لكل شخصية، مثلاً الشخصيات السريعة تلعب فيها المهمات حقة السباقات. اذا خلصت المهمات هذي وفزت فيها راح تحصل على قبّعات – طواقي باللهجة العامة – هذي القبعات تلبسها بحيث تعطي لشخصيتك ميزات أكثر، مثل زيادة قوّة الضربات وغيرها من الميزات.
مو بس كذا، الدمى اللي تحطها على المنصة وتلعب فيها لها نوعين، النوع الأول مجرد دمية عادية، أما النوع الثاني فهو يتميّز بميزة وهي امكانية فك الشخصية وتركب جزء منها مع شخصية ثانية! خلنا نفرض ان عندك شخصيتين، الشخصيتين هذي تقدر تفكها أجزاءها العلوية وتبدلها مع بعض بحيث تخترع شخصية تجمع ميزات الشخصيتين. رهيبة الحركة، صح؟ أعجبتني مرة.
باقي شرح طريقة اللعب، وهي بشكل أساسي لعبة مناقز (platformer). طريقة اللعب حلوة وسهلة ما فيها فلسفة وكلافة، سهلة وأي لاعب يقدر يمسك اليد ويتعلمها على طول. برضو من الأشياء اللي تستحق الذكر هي ان اللعبة 60% منها استكشاف (exploration) بينما الباقي منها قتال (combat). برضو اللعبة فيها الكثير والكثير من الأشياء اللي تجمعها من فلوس وغيره (looting).
أما بالنسبة للطور التعاوني، فهو بيكون بنظام دخول سريع وبرضو خروج سريع من اللعبة (drop in/drop out system)، والمقصود فيه انه نظام الدخول مع أخوياك ما يحتاج ارسال دعوة وقبول دعوة ودوخة راس، كل اللي تحتاج تسويه انك تختار لعبة صديقك من القائمة في اللعبة وتطب تلعب معه.
اذا اشتريت اللعبة، راح يجيك معها 3 دمى. اذا تبغى تشتري زيادة، سعر الدمية الوحدة راح يكون 10 دولار للشخصيات العادية، و15 دولار للشخصيات اللي تقدر تفكها وتركبها على شخصيات ثانية.
اللعبة فيها على اثنين برضو، بامكانك تحط دميتين على المنصّة بحيث يطلع قدامك شخصيتين في اللعبة وتلعب اللعبة مع أي أحد حولك. أقدر أشوف الكثير من الأطفال يدمنون على هاللعبة بسبب المميزات الرائعة هذي.
اللعبة شكلها واعد جداً، وغالب الظن انها بتنجح نجاح كبير ويتقبلونها الأطفال وحتى الكبار اللي يحبون يلعبون مع اخوانهم الصغار أو عيالهم.
أخيراً، بتنزل اللعبة في 13-10-2013 على PS3, Xbox 360, Wii, Wii U وفي شهر 11 من نفس السنة على PS4 وXbox One.
قد لعبت Skylanders قبل؟ ايش كان انطباعك عنها، وايش تبغى تشوف منها في الجزء الجاي؟ شاركنا برأيك في التعليقات!
فيديو اللعبة
أيمن اليغشي
بارعة
