مشهور الدبيان
أطلقنا الموقع الجديد قبل أسبوع تقريباً، وكالعادة مع أي شي جديد ما تبيّن المشاكل الا اذا جرّبوه الناس.
صلّحنا أغلب المشاكل اللي ذكروها لنا المتابعين او اللي اكتشفناها بأنفسنا، وسوينا بعض التطويرات البسيطة اللي تساعد في تسهيل تصفّح الموقع لك.
بعد كل دفعة تطويرات نسويها راح أكتب موضوع نوضّح فيه وش سوينا بالضبط ان شاءالله، بحيث تنتبه للمشاكل اللي انحلت وبرضه تستفيد من الخصائص الجديدة في حال أضفنا شي.
مشاكل انحلّت
- الملف الشخصي للعضو: روابط الحسابات الاجتماعيه ما كانت تشتغل، شغلناها الآن، وما راح يطلع الا روابط الحسابات اللي انت حاطها في ملفك.
- الملف الشخصي للعضو: امكانية استعراض جميع مواضيع العضو في صفحة حسابه.
- التسجيل: الاعضاء ماكانت توصلهم كلمة المرور عند التسجيل، حلينا هالمشكله لنسبة كبيرة منهم (بعضهم ما زالت تجيه في الرسائل المزعجة).
- القائمة الرئيسية: بعض الأقسام ما كانت تشتغل، كان يطلع ان الصفحة غير موجودة.
- عام: نسبة كبيرة من روابط الموقع القديمة ما كانت تشتغل، يطلع لك ان الصفحة غير موجودة.
- الجوال: أيقونة البث المباشر في الجوال والأجزة اللوحية كانت تعيق القراءة، نزلناها تحت شوي.
- المقالات: المشاركة عن طريق تويتر كانت تحط يوزر @SaudiGamer غلط، تصلحت الآن.
- الصفحة الرئيسية: تصميم قسم التقييمات في الصفحة الرئيسية كان خربان في اكسبلورر وفايرفوكس، صلحناه الآن.
- الصفحة الرئيسية: “أحدث المواضيع” كانت تظهر المقالات بس، الاستفتاءات وباقي أنواع المواضيع ما كانت تظهر
- التعليقات: كان الواحد يقدر يعطي لنفسه “لايك” في التعليقات. شلناها الآن.
- التعليقات: المواضيع اللي تعليقاتها مغلقة كانت تختفي تعليقاتها.
- التقييمات: عدم وجود ايقونات المشاركة في التقييمات. موجودة الآن.
- التقييمات: ما كان فيه خيار لمشاركة التقييمات في نهاية كل تقييم. تم اضافتها الآن.
تعديلات وتطويرات
- التعليقات: نقلنا مربّع التعليقات الى فوق التعليقات بدال تحتها، عشان يصير التعليق أسهل.
- التعليقات: شلنا الديسلايك من التعليقات.
وبنستمر دائماً نشتغل على أشياء كثيرة تساهم في تطوير الموقع لك بحيث يتطوّر بشكل مستمر. اذا عندك اي ملاحظات او اقتراحات، فبامكانك تذكرها في التعليقات وراح نبذل كل جهدنا عشان نسوي أكبر عدد منها ان شاءالله حسب ملائمتها للموقع والمتابعين.
بارعة
