مشهور الدبيان
الشهر الماضي سوينا دفعة تطويرات وحلينا مجموعة مشاكل بناءً على الأشياء اللي يرسلونها المتابعين لنا، وبناءً على اللي نشوفه الأفضل للموقع.
خلال الشهر هذا سوينا عدّة تطويرات حبيت اشاركك فيها في حال ما انتبهت لها:
تعديلات وتطويرات
- ملف العضو: بامكانك (أخيراً) تحط لك صورة خاصة فيك من الملف مباشرة بدون ما تروح موقع ثاني. حجم الصورة لازم ما يتجاوز 94 كيلو بايت.
- فيديوهات الصفحة الرئيسية: شلنا عدد التعليقات وحطينا وقت نشر الفيديو بداله، بما ان أغلب تعليقات الفيديوهات تصير في اليوتيوب عموماً، ووقت النشر أهم بالنسبة لمتابع الموقع.
- تقييمات الصفحة الرئيسية: حطينا عدد التعليقات على التقييمات في الصفحة الرئيسية. يعطيك فكرة وش الألعاب اللي عليها زحمة أكثر.
- عمود أحدث التعليقات: صار الآن يظهر اسماء المواضيع اللي الناس يعلقون عليها.
- التعليقات: اسماء الأعضاء راح تتحوّل تلقائياً الى رابط الى ملفهم الشخصي في الموقع.
- التقييمات: اضافة اسم ومعلومات الكاتب نهاية كل تقييم، زي باقي مواضيع الموقع.
- المقالات: اضافة اسم الكاتب بجانب التاريخ، حسب اقتراح المتابعين.
- صفحة البث: اذا دخلت من الجوال بتشوف روابط تطبيق Twitch بما ان المشغّل حقهم فلاش.
مشاكل انحلت
- البودكاست: بامكانك الآن تشوف الوقت بشكل واضح اذا جيت تقدّم مؤشّر الوقت في مشغّل الحلقة. سابقاً ما كان واضح الرقم.
- نسخة الجوال: كان فيه لخبطة في الروابط آخر الموقع ترتّبت الآن.
- نسخة الجوال: كان فيه فراغ كبير يظهر بجانب الموقع، قدرنا نشيله الآن.
- التعليقات: حل مشكلة كانت موجودة في التصويت.
- الصفحة الرئيسية: كان دايم يظهر موضوع بارز “فاضي” في الصفحة الرئيسية، شلناه الآن.
هذا كان بالنسبة لدفعة التحديثات الثانية. شكراً لأحمد غيلان على التنفيذ، وشكراً لجميع المتابعين اللي دايم يرسلون لنا المشاكل اللي يقفطونها في الموقع. وما زال فيه اشياء كثيرة جالسين نشتغل عليها عشان نطوّر لك الموقع ونخليه أفضل ما يكون.
واذا عندك أي مشكلة أو اقتراح ببالك الآن بامكانك تشاركنا اياه في التعليقات! 🙂
بارعة
