محمد الشريف
من أكثر المواضيع اثارة هذا الأسبوع، كانت مقالة ننتيندو اللي ناقشنا فيها فكرة خروجها من تصنيع الأجهزة وانها تصير مطوّر ألعاب فقط.
ما يخفى علينا ان ننتيندو تعاني مع جهازها الويي يو (Wii U)، واللي زاد الطين بلّة ان أجهزة الجيل الجديد نزلت خلاص. هذا بيسبب مشاكل كبيرة لننتيندو، خصوصاً اذا لاحظت ان فرق السعر بين الويي يو وأجهزة الجيل الجديد ماهو فرق كبير.
تخيّل ألعاب ماريو وزيلدا وبوكيمون تلعبها على البي سي أو البلاي ستيشن أو الاكس بوكس، هل بيكون شي أفضل؟ أو الأفضل انك تلعب ألعاب ننتيندو على أجهزتها؟ هذي كلها أسئلة أثارت المتابعين في هذا الأسبوع.
لذلك، نبي نعرف رأيك في هذا الموضوع. شاركنا صوتك ورأيك في التعليقات!
