أحمد الراشد
من بعد الخسارة اللي اعلنتها ننتندو قبل فترة بسيطة، صرح رئيس ننتندو، ساتورو ايواتا، بأنه يدرس سوق العاب الجوالات وانه بيحاول يلاقي طريقة تجذب لاعبين العاب الجوالات الى اجهزتهم من خلال تطوير تطبيقات عليها. من أكبر المساهمين في شركة ننتندو، سيث فيشر، ارسل رسالة الى رئيس ننتندو يطلب منه الاتجاه الى تطوير ألعابهم على اجهزة الجوال. يقول سيث ان ننتندو لازم تواكب التغيرات في طلب المستهلكين وتطوّر العابهم على أجهزة الجوالات مثل الـiOS والاندرويد. واضاف ان شركة مثل ننتندو مستعدة لتطوير هذي الألعاب.
شطحة
يقول سيث ان ننتندو تقدر تطلّع مكاسب كبيرة من خلال ألعاب فيها مشتريات داخلية (يقصد الميكروترانزاكشن Microtransaction)؛ “تخيّل انك تدفع 99 سنت عشان تعلّي نقزة ماريو”. اعتقد ان هذا الانسان ساهم وهو ما يدري وش الطبخة؛ لا في ننتندو، ولا في عالم العاب الفيديو.
رد ننتندو
طبعاً رد ننتندو كان دبلوماسي؛ “احنا نطّلع على الطلبات الفردية بشكل منفصل عن قرارات الشركة، لكن ما نعتقد بأننا بنعلن عن نتائجها”
هل تأيدون رأي سيث بأن ننتندو لازم تطوّر العابها على جوال؟ والا تبغونهم يستمرون على ما هم عليه؟ والا تبغون ماريو ينط أعلى بـ99 سنت؟ 😛
عطونا آرائكم!
احمد خالد
أيمن اليغشي
بارعة