محمد الشريف
في مقابلة مع واحد من مطوّرين اللعبة، صرح Michael de Plater ان لعبة Middle Earth: Shadow of Mordor كانت أكبر من اللعبة اللي لعبناها.
تطوير هاللعبة الرهيبه أخذ حوالي ثلاث سنوات من فريق تطوير Monolith Productions. مع بدايتهم لتطوير اللعبة، ما كان عندهم تصوّر واضح عن الحدود اللي المفروض يوقفون عندها في تطوير للعبة، فراحوا طوّروا محتوى كبير للعبة، واكتشفوا بعدين انهم مرغمين على انهم يشيلون محتوى كبير منها.
” في مرحلة ما قبل الانتاج (من أول مراحل التطوير) ما كان عندنا تصوّر واضح عن حجم اللعبة اللي نبغى نسويه. هذا الشي خلّا فريق التطوير ينطلق ويطوّر بشكل طموح، لكن بعد فترة اكتشفنا اننا لازم نحذف محتوى هائل من اللعبة”.
” هذي الخطوة آلمتنا كثير، لان فيه جزء من عملنا ضاع بدون فايدة، سوينا محتوى هائل مثل مناطق كبيرة وحطينا فيها كائنات ضخمة الحجم ولكننا اضطرينا نحذفها”.
في المقابلة، تكلّم مايكل دي بلاتر عن نظام النيميسيس الرائع، واللي تكلمنا عنه في تقييمنا للعبة. الفكرة هذي كانت مجرد فكرة بسيطة وقت التطوير، ولكنها مع الوقت كبرت وصارت شي أساسي في اللعبة.
وش رأيك في كلام مايكل؟
احمد خالد
بارعة
