أخيرا بتضيف مايكروسوفت ميزة إلتقاط الصورة الثابتة “screenshot” لجهاز الإكسبوكس ون في تحديث شهر مارس القادم.
طبعا الميزة متوفرة الحين فقط لأعضاء برنامج “preview programme” اللي يقدرون يجربون الميزات الجديدة للنظام قبل باقي الناس. الميزة طبعا بتيصر متوفرة للعامة مع تحديث الشهر الجاي. طريقة إلتقاط الصورة تتم بضغطك على زر الإكسبوكس الدائري اللي في وسط اليد مرتين ورا بعض وبعدين تضغط زر Y عشان تحفظ الصورة.
الصورة اللي تحفظها تقدر تشوفها في تطبيق Upload وتقدر بعد تحط هذه الصورة كخلفية لجهازك. أيضا من الميزات الجديدة اللي بتجي مع تحديث الشهر الجاي هي إضافة خيار إقتراح أصدقاء جدد “Suggested Friends” يعرض لك ناس ممكن تكون تعرفهم أو ناس مشهورين ببث الألعاب اللي تلعبها حاليا وهذا يعطي سهولة أكبر في التعرف على أصدقاء جدد.
وش رأيكم شباب بميزات تحديث الشهر الجاي ووش أكثر ميزة تنتظرونها؟ شاركونا أرائكم في التعليقات.
