مشهور الدبيانفي رمضان أعلنا عن تعاون مع موقع ترفيه بحيث يكون متجرنا الرسمي. ومع أننا حرصنا كل الحرص خلال التخطيط لهذا التعاون ان جمهورنا يكون الرابح الأول منه، ويحصل على أفضل تجربة تسوّق ممكنة، الا أنه للأسف بعض الأمور ما اتضحت لنا الا من بعد ما بدينا في الشغل مع المتجر.
مرينا بعدة مواقف تخص المتجر خلال الفترة الماضيه أجبرتنا نعيد النظر في التعاون مع ترفيه، واستنتجنا أنه ما راح نقدر نوصل لتجربة التسوّق المثالية اللي نتمناها لجمهورنا، ولا راح نقدر نوصل للجودة اللي عودناكم عليها من موقعنا لوجود عدة عوائق قوية تمنعنا من هالشي، وبالتالي تم انهاء التعاون ودّياً.
هالشي يعني انه مؤقتاً ما راح يكون لنا متجر رسمي. نبي نأسس ان شاءالله متجر خاص فينا، ونبنيه بحيث يناسب جودتنا ومعاييرنا، ويتطوّر تدريجياً بالشكل اللي يحتاجه الموقع ويناسب المتابعين. يمكن نخسر شي من انهاء التعاون مع ترفيه الآن (وبهذي السرعة)، لكن الأكيد انه بيساعدنا نحافظ على أهم شي نملكه حالياً وهو حب متابعينا لنا وثقتهم فينا – وهي اشياء ممكن نضحّي باي شي عشانها.
تفاصيل المتجر الجديد راح نذكرها في المستقبل القريب ان شاءالله. نتمنى لفريق ترفيه التوفيق في متجرهم.
محمد الشريف