احمد جابر
سامسونج من فترة تشتغل على جهاز واقع افتراضي خاص فيها، وطلع تقرير انها تتعاون مع شركة اوكيلوس في ار (Oculus VR). اليوم تسربت صورة للجهاز مع معلومات من موقع SamMobile .
راح يكون اسمها Gear VR، متوقع الاعلان عنها في مؤتمر IFA 2014 نفس موعد الأعلان عن هاتف الـNote 4، الجهاز راح يستخدم اجهزة الجلاكسي كشاشة لعرض المحتوى من خلال ادخال الهاتف في مكانه الخاص، النظارة راح تضبط كل شيء، ويصير الجوال يتبع حركات الرأس ويعمل كجهاز واقع افتراضي.
الجهاز تمت صناعته من قبل سامسونج، اما النظام المستخدم فهو من قبل شركة Oculus VR اللي قدمت لنا الاوكيلوس ريفت، من الاشياء الغريبة انه راح يكون فيه زر اسمه (augmented reality) ، يشغل لك الكاميرا الخلفيه للجوال وتقدر من خلالها تشوف العالم من حولك !
راح تركز في البداية على دعم المرئيات، بعدها بتركز على دعم التطبيقات لهذي التقنية، راح تفتح سامسونج جهاز الجير في ار للمطورين بعد اطلاق الجهاز، يعني ممكن نشوف العاب وتطبيقات كثيرة من المطورين.
بالنسبة لي اشوفها فكرة غريبة، ماشدتني الفكرة ابدا، يمكن تكون ممتعة اذا استخدمتها للعب ببعض الألعاب بالبيت وكذا، لكن فائدتها تختفي خارج البيت، بهذا المجال كان من الافضل اطلاق جهاز مشابه لنظارة جوجل، راح أنتظر موعد الاعلان عنها ونشوف وش وضعها.
وش رايك بهذا الجهاز ؟ هل شد انتباهك ام راح تكتفي بجهاز الأوكيلوس والمورفيوس ؟
احمد خالد
بارعة
