حسب تقرير تسرّب وانتشر في الانترنت، يبدو ان سامسونج تشتغل على جهاز واقع افتراضي (virtual reality) مخصص لألعاب الفيديو، بحيث يشتغل على أجهزة الجوّال والأجهزة اللوحية.
حسب التقرير، نيّة سامسونج انهم ناوين يعلنون عن الجهاز خلال هذي السنة، وانهم يحاولون يطلقون الجهاز قبل لا تطلق سوني جهازها Project Morpheus أو جهاز Oculous Rift اللي اشتروه فيسبوك قبل فترة بسيطة.
برضه من المعلومات المهمة في التقرير ان الجهاز الافتراضي حق سامسونج تم اعطاءه للمطورين، وهذا معناته ان الجهاز وصل مرحلة متقدمة في التطوير. الجهاز مثل ما قلنا بيشتغل مع أجهزة سامسونج اللوحية وجوالاتها، بينما بروجيكت مروفيوس حق سوني بيشتغل مع بلاي ستيشن 4، أما أوكيولوس فراح يشتغل على البي سي بالاضافة الى بعض الأجهزة المتنقلة.
على افتراض ان التقرير طلع صحيح، وش رأيك في دخول سامسونج في عالم الواقع الافتراضي؟ وهل تشوف انه بيكون خطر على أوكيولوس ريفت وبروجيكت مورفيوس؟
