إشاعة: مايكروسوفت تبغى تشتري مطور لعبة ماينكرافت

تحديث: طلع تقرير جديد يقول ان مخترع اللعبة Notch بيطلع من الشركة حقته بعد ما تتم صفقة الشراء بينه وبين مايكروسوفت!

طلعت إشاعة تقول أن مايكروسوفت تبغى تشتري Mojang مطور لعبة ماينكرافت ب2 مليار دولار .وبتكتمل الصفقة بوقت من الأسبوع الجاي وللأن مافيه أي رد على الموضوع من الطرفين وعن أي تفاصيل إضافية للصفقة .

خبر يعتبر مفاجئ بالنسبة لنا وأيضا بسبب أن رئيس الأستوديو Markus Persson المعروف بنوتش ما يحب الشركات الكبيرة لدرجة أنه الغى نسخة ماينكرافت للأوكيلوس ريفت بعد شراء فيس بوك لها.ولا ننسى أن ماينكرافت باعت حوالي 54 مليون نسخة تقريباً وأيضا حققت 100 مليون دولار العام الماضي والي يعتبر رقم كبير جدا بالنسبة لأستوديو صغير ، والي ممكن يعتبر السبب الرئيسي الي يخلي مايكروسوفت تشتري الأستوديو.

هل تشوف أن ماينكرافت تستاهل هذا السعر كله ؟ ووش توقعاتك لو إكتملت الصفقة ؟