Item: تقييم: The Unfinished Swan
Rating: 1
Author: مشهور الدبيان

صوّت للعبة

No votes yet.

Please wait...

صورة الموضوع

الايجابيات

فكرة جديدة وغريبة ومميزة. من كثر ماهي غريبه صعب تنشرح، لازم تلعبها بنفسك عشان تفهمها.
تصميم مراحل اللعبة جميل جداً وساحر ببساطتة وغرابتة.
موسيقى تصويرية متقنة تدخلك جو اللعبة.
تجربه تطلّع الطفل اللي بداخلك (او تعيّشك عمرك اذا انت صغير هههههه): تلطّخ كل شي حولك، تلاحق وزّة طول اللعبة، تدور بالونات وتجمعها، تستانس على المتغيرات البسيطة اللي تصير حولك، تثير فضولك تستكشف الاماكن اللي حولك. باختصار تعطيك شعور مختلف عن اللي متعودينه في الالعاب.

السلبيات

بعض المراحل (زي بداية اللعبة) مصممينها بشكل يوجع العين، تكون اما كل شيء ابيض بشكل يفقع العين، أو كل شي اسود لدرجة انك يالله تعرف وين لازم تروح.
هاللعبه تصمّمت بشكل اساسي عشان تلعبها بيد البلايستيشن موف، لكن كالعاده اللعب بالموف متعب مع الوقت وغير عملي. لكن كويس ان خيار اللعب باليد العاديه موجود.
قصة اللعبه مالها اي هدف وما تستفيد منها اي شي.
عمر اللعبة قصير جداً (ساعتين الى ساعتين ونص عشان تخلصها أول مره). فيه افكار حلوه باللعبه بس ما احس اخذت حقها من المراحل.

التقييم النهائي

ابو كلب
تمشي الحال
ممتعة
ممتازة
اسطورية

الزبدة

لعبة مصمّمة كتجربة فنّية بحته ما راح تستهوي الكل، وتحتاجك تكون مروّق جداً وجالس لحالك وتحاول تستمتع بكل لحظة فيها. استمتعت فيها شخصياً وكانت تجربة رائعه بالنسبة لي بتذكرها لوقت طويل، لكن انتهت اللعبة وانا ابي أكثر منها. سعرها المرتفع (15 دولار) يمكن ينفّرك منها اذا عرفت انها قصيرة جداً، لكن اذا جربت الالعاب المشابهه المذكورة تحت واعجبتك، فاقترح تعطيها فرصة.